المدرب والحمار ؟!؟!

في واحد راح يتعلم سواقة .. طلع أول درس مع المدرب

قال له المدرب: تحرك .. فتحرك بدون ما يعطي اشاره

قال له المدرب: ولك يا حمار بتعطي أشاره بعدين بتمشي .. انزعج الرجال وفكر كيف عم يحكي معه هيك..

المهم طنش ومشى وصار بدو يتجاوز عن شاحنة .. فتجاوز بدون ما يتطلع وراه

قال له المدرب: ولك يا حمار بتتطلع وراك قبل ما تتجاوز .. كمان انزعج الرجال وفكر كيف عم يحكي معه هيك..

برضو طنش ومشى وكان قدامه اشارة ضوئية ضاوية أصفر .. قام شد وقطعها .

قال له المدرب: ولك يا حمار الاشارة الصفرا يعني هدئ السرعة مش شد

الرجال فقعت معه وقال للمدرب: أنا الحق علي اني بتدرب مع هالأشكال بديش أتدرب سواقة رجعني محل ما أخذتني

المهم نزلوا وتبادلوا الأماكن, وشغل المدرب السيارة وتحرك بدون ما يعطي أشاره

شافه شرطي وخلاه يوقف.. أجا الشرطي لعند المدرب وقال له: الحق مش عليك ..أنت باينتك عم تتدرب... الحق على الحمار اللي جنبك

هههههههههههههههههههههههههههههههههههههههه
ناااااايس
تحياتي

خطيييييييييييييييرة
من جد الحمار بضل حمار وين ما راح

انشاء الله كل ايامك ضحك يا أميرتنا

صدقت يا جلكسي

الحمار يبقى حمار

نورت المنتدى بطلتك الجميلة